1. |
An Aotrou Rosmadek II
04:28
|
|||
Ar Varones a c'houlenne
Euz Guillaou 'r Belek, en de-se
Guillaou 'r Belek, d'in-me laret,
Ho mestr 'r Baron pelec'h eo et ?
Ma mestr a zo et da Baris
'Wit saludin ar roue Loïz,
Prenet gant-han ur marc'h-newez,
Kalon he varc'h a oa re-ge.
Guillaou 'r Belek a lavare,
Pa oa gant he goan, en noz-se
Daoust piou 'n defo ann hardison
D'anonz ar c'hezlo d'ann itron ?
D'anonz ar c'hezlo d'ann itron,
Eo lazet hon mestr ar Baron ?
D' dapoud he vouklo p'e pleget,
Rosmadek trubart 'n euz-han treuzet, !
Ar vates vihan pa glewas,
D'ann nec'h gant ar vinz a bignas;
D'ann nec'h gant ar vinz eo pignet,
D'ar Varones a deuz laret
Aotro Doue petra 'vo gret ?
Hon mestr ar Baron 'zo lazet !
D' dapoud he vouklo p'eo pleget,
Rosmadek trubart 'n euz-han treuzet !
Ar Varones pa deuz klewet,
Ter gwes d'ann douar ' zo zemplet ;
Ter gwes d'ann douar eo zemplet,
'R vates vihan 'deuz hi goureet.
'R Baron bihan, pa 'n euz klewet,
D'he vamm 'r Varones 'n euz laret
Ma mammik paour, na oelet ket,
Me am bo buhez 'r Rosmadek !
Ha pa oa pemzek vloaz oajet,
D'he vamm 'r Varones 'n euz laret
Ma mamm 'r Varones, m'am c'haret,
Kleze ma zad d'in a rofet ;
Kleze ma zad d'in a rofet
Da vont da gaout ar Rosmadek ;
Da vont da gaout ar Rosmadek,
He vuhe 'renkann da gavet !
Ar Baron iaouank a lare
'N ti ar Rosmadek p'arrue
Demad ha joa holl en ti-ma,
Ar Rosmadek pelec'h ema ?
Ar c'houarneres a laras
D'ar Baron bihan, p'hen klewas
Ema duze ebars he gambr,
Et-c'hui d'hen kaout, mar oc'h euz c'hoant.
D'hen kaout en he gambr na inn ket,
Hen 'deui d'ann traon pa vo pedet.
Ar Rosmadek, 'vel ma klewas,
He benn er frennestr a voutas ;
He benn er frennestr 'n euz boutet,
D'ar Baron iaouank 'n euz laret
Baron bihan, kerz a lec'h-se,
Rag euz da wad am euz true !
N'ho pet nep truez euz ma gwad,
Pa n'ho poa euz hini ma zad
Ha hastet buhan dont d'ann traon,
Pe me c'houezo 'n tan 'n ho holl vado !
Hastet dont ganin da c'hoari,
Pe me 'c'houezo 'n tan en ho ti ;
Pe me c'houezo 'n tan tu ho ti,
Ho talc'ho en kreiz da dewi.
'Nn aotro Rosmadek a lare
D'holl dut he di, pa gimiade
Me ha brema d'ar Prat-Newez,
Me 'zo sur 'kollinn ma buhez!
P'int et da c'hoari ar c'hleze,
'R Baron bihan a c'honee
'Nn aotro Rosmadek a lare,
D'ar Baron bihan p' c'honee
Baron, dastum te da vouklo,
Mar an war-n-ez-he m'ho zorro.
Hag a ve torret ma bouklo,
Arc'hant 'walc'h 'zo em godelo;
Arc'hant 'walc'h 'zo em godelo
Da gaout re-all ho ramplaso;
N'as be ket nec'h gant kement-se,
C'hoari hardiz da daol kleze !
'Nn aotro Rosmadek a lare,
D'ann aotro Baron, p' c'honee :
Baron, dastum d'vouchouero,
Mar 'an war-n-ez-he m'ho saotro.
Pa ve saotret m' mouchouero,
Arc'hant 'walc'h 'zo em godelo ;
Arc'hant 'walc'h 'zo em godelo,
Merc'hed 'zo 'r vro hag ho gwalc'ho ;
N'as be ket nec'h gant kement-se,
C'hoari hardiz da daol kleze;
C'hoari d' daol kleze pa gari,
Oud aman en heur ma varwi !
N'oa ket he c'hir peurlavaret,
He benn diwar he gorf 'n euz troc'het,
Ha taolet 'n ez-han war ar ru,
D'ar vugale d' c'hoari dotu.
Hag ann dut jentil a lare
Ann eill d'egile an-ez-he :
Set' 'r Baron bihan 'vont aman,
Ha penn ar Rosmadek gant-han !
Ma lare ann eill d'egile :
Hennes ' oar c'hoari ar c'hleze !
He vamm 'r Varones 'c'houlenne
Euz 'r Baron bihan, p'arrue :
Ma mab ar Baron, d'in laret,
Bet oc'h euz buhe Rosmadek ?
Ar Baron bihan a laras,
D'he vamm 'r Varones, p'hi c'hlewas :
Ma mamm, 'man he benn war ar ru,
Gant 'r vugale 'c'hoari dotu !
|
||||
2. |
Er Sabotier
04:03
|
|||
Chelawed oll a chelawed
Tran lar di rèno
Or gannen a neüe zaüet
Tran lar di ra la la
Tran lar di rèno
Or gannen a neüe zaüet
D'or sabotier i ma zaüet
Zaüed e d'or sabotier koèt
Ennes i gomenant er hoèt
Hag i di yon zo guérennet
Ge' mouch golow ar er moged
Ge' mouch golow ar er moged
Ha ged er blèü kaneüided
"Penost i hein de gas meren,
Pe n'ouyan hent na minojen ?"
Pignet anze ged en dosten
"A hui glowei trouz en echen;
Trouz en ach ag en daladur
I reparein er lijadur
Er sabotier e huitellad
Hi dok ket-on ar gosté i dal"
Arriü e men groék ke' méren
Goel val e d'ein mont t'i dichen
Teve' men dous, ne chiffe ket;
Disul ni yei d'en ovren bred
Disul ni yei d'en ovren bred
Ni ombo guin mat te évet
Er sabotier a pe labour
N'echet affer de éve' dour
Meid er guin ru ag er guin guén
Er lowdeüi leih er üéren
|
||||
3. |
Gwall Vuhez Un Tiegezh
03:15
|
|||
C'hoant am eus d'ho lakaat da c'hoarzhin
Ma oufec'h petra zo c'hoarve'et
Ma oufec'h petra zo c'hoarve'et
Un oac'h yaouank dimeus ar gêr-mañ
O rin-ton-la, la la dira
Un oac'h yaouank dimeus ar gêr-mañ
A zo bet fouetet gant e wreg
An oac'h-mañ a ranke luskellat
Ouzhpenn monet bemdez d'ar stêr
Ha ma na vije gwenn an dilhad
O-rin-ton-la, la la dira
Ha ma na vije gwenn an dilhad
En dije badoù leizh e ler
Sav Yann da luskellat ar c'havell
Skuizh eo ma fenn eus e glevet
Pe me gemeran ur geuneudenn
Ma mignon, me ray dit donet
Me zo 'vont da di ma amezegez
Da gaoseal un nebeut c'hoazh
Preparit lein a-benn ma teuin
Peotramant ho po fest ar vazh !
Ma fried, ur banne a evfen
Ur sec'hed bras am eus bremañ
Gwalc'hit ho kwerenn eta, mezvier,
Te c'hoantaez ganit pep tra"
Gant an hast en devoa d'he gwalc'hiñ
Etre e zaouarn eo drailhet
Ha eñ o komañs da grial
"Ur maleur zo ganin c'hoarve'et"
Jarnecoton, eme Jaketa,
Bremañ-souden ni 'ray ar bal
Tennit ho pragezenn, ma mignon,
Ma po an disiplin raktal !
Flikez ha flakez d'an daou kostez
Ma ho teski da derriñ gwer
Ha netra dimeus an tiegezh
C'hwi oar 'walac'h an traoù zo ker!
Ma fried, ho pet truez ouzhin
C'hwi lako ar gwad da redek
Me a evo gwin gant ma botez
Kentoc'h 'vit torriñ gwer ebet
Lakit ha pragez 'ta, ma fried,
Ha deut da vouchat d'ar skouljed
Ha da brometi en ho puhez
Na doroc'h gwerenn ebet mui
Kenta tra a dorri en ti-mañ
Me a grogo e blev da benn
Er memes tra en da zivskouarn
Ken a teuont keit re un azenn !
|
||||
4. |
Kalonoù Rannet
04:13
|
|||
Demat, mignonez fidel, setu me gwall nec'het
Demat, mignonez fidel, setu me gwall nec'het
Echu eo ma flijadur ha rentet glac'haret
Echu eo ma flijadur ha rentet glac'haret
N'em eus den d'am c'hoñsoliñ nemedoc'h a rafe
C'hwi am lako c'hoazh dispos hervez ho polontez
Betek bremañ oa moien da zont d'ho koñsoliñ
Pa glevan o lavaret e renkomp kimiadiñ
Da Zoue ha d'ar Werc'hez en em rekomandan
Ken glac'haret on ha c'hwi o partial bremañ
Ma na deu den da zispenn hon holl promesoù
Em bo koñsolasion da vont er-maez ar vro
Gavin ket hir an amzer o tremen ma c'hoñje
Hag erfin d'oc'h eureujiñ, ma choman en buhez
Biskoazh plac'h onest ebet n'en da enep d'he le
Demeus a greiz va c'halon em boa graet promese
Birviken na zislarin ar pezh am eus laret
Ken a vo ho mortuaj er gęr en em rentet
Skañvaat a ra ma spered ha fin zo d'am zourmant
Pa lavaret 'n em zerc'hel er memes santimant
Evit-me a rai ivez hed an eur diwezhañ
Ma ven lezet gant Doue da ren war ar bed-mañ
War ar Skritur eo merket ar re a zo kastiet
Gant Doue war ar bed-mañ a vo rekompañset
Pa 'z imp dirak ar Barner da glevet hor setañs
Diouzh mad pe fall 'm omp graet e vo hon rekompañs
Ne oan nemet daouzek vloaz pa oa marv ma zad
Ha ma mamm ur miz goude, o gwashañ kalonad !
Ha bremañ pa 'z on savet da gaout va flijadur
E renkan dont d'ho kuitaat, o tristan avantur !
Arabat eo en em glemm a volontez Doue
Me n'am boa nemet seizh vloaz pa oa marv ma re
En ur ober pemzek deiz ec'h int bet dioueret
Ma zad, ma mamm, ma daou vreur, div deus va c'hoarezed
An disterañ c'houlennan ma teut d'hen akordiñ
Ha mouchouer hoc'h-unan gant ho torn hen rei din
'Vit ma gavin anezhañ da sec'hiñ an daeloù
A ruilh deus ma daoulagad, o pellaat deus ar vro
Lakit ho torn em hini, ma mignonez fidel
Me lavar deoc'h marteze hed ar gloar eternel
Dalc'hit mat-sur d'ho komzoù, me vo fidel d'am re
Ha lakeomp hon fiziañs e madelezh Doue
|
||||
5. |
Glahar A Garanté
02:53
|
|||
Gouelit va daoulagad, setu marv Jezuz
Maro Jezuz 'vidomp, pec'herien gwalleürus
Marv Jezuz 'vidomp war beg menez Kalvar
Pe galon ne ranno gant keuz ha gant glac'har
Tosta, pec'her, ha deus, sell mat ouzh da labour
Pep pec'hed graet ganit zo amañ torfedour
Evit skuilhañ daeloù, evit touch da galon
N'ac'h eus nemet gwelet poanioù e basion
M'em es lakeit ém chonj de gompozein ur son
N'hellan ket hé hañnein get dezir me halon
Fasilité vank d'ein, hardéhted d'em spéred
Aveit diskoein d'em dous, penaos éma karet
Rak m'es choéjet un dous zo ken kaer èl en dé
Deulagad én hé fen èl en héaol de greisté ;
Get hé selleu brillant hi des me gouniet,
Maleurus vein geti ma ne gavan remed
"Laret-hui dein, galant, hui zo klan pé aflijet
M'iei de glah 'r remedour de rein d'oh er iehed ?
En ol remederion, én ur gambr asamblet
Ha nen dint ket kapabl de rein d'ein er iehed
Nen des meidoh, men dous, hellan laret erhat,
Laret, 'feheh kapabl, kapabl de me guellat ;
Nen des meidoh, men dous, en ur guir gauj laret,
Laret, 'feheh kapabl de rein d'ein er iehed
Get hou selleu brillant, hou kaujeu grasius,
Hui e hues me lakeit én ur prizon chifus ;
Deit-hui d'em honsolein, mar hues dohein truhé,
Ha reit d'ein respont vat er rest a mem buhé
Kement e zegoéh d'ein, men dous, doh hou karein,
El d'un estig bihan ar er bod é kañnein ;
Pe ia aveit repoz, en drein e blant énnon,
Ean saù ar 'r bod, men dous, hag e gommans kañno"
|
||||
6. |
Ar Re C'hlas
06:30
|
|||
Ar chas a glevan oc'h harzal ! setu ar soudarded C'hall !
Tec'homp kuit trezek ar c'hoajoù ! kasomp a-raok hor chatal !
Daoust hag-eņ, paotred Kernev, e c'houzanvimp da viken,
E c'houzanvimp ar vac'herien a wask al labourerien ?
Gwallet gante hor merc'hed koant ; lazhet mamm ha mab ha den;
Lazhet zoken an dud klañv paour, balamour d'o daouarn gwenn.
Tanet gante ti ar beorien ; diskaret ar manerioù ;
Devet an ed, devet ar foenn, er parkoù hag er prajoù.
Troc'het ar gwez el liorzhoù, ha laket da ober tan ;
Ken na vo avaloù na chistr, da nav pe zek vloaz ac'han.
Laeret hor saout, hon ounnered hag hon ejenned, siwazh !
Ha kaset mesk gant o ferc'henn, d'ar c'higer d'ar c'hęrioù bras.
Laeret zoken traoù an iliz; pilet zoken hon tourioù ;
Straojet zoken ar garnelioù, ha skignet ar relegoù.
Gwastet traonioù kaer Breizh-Izel, ken druz ha ker glas gwechall ;
Ken na glever mui tro-war-dro mouezh den, kennebeut chatal.
C'hoazh ma ve roet skuilhañ, hor gwalc'h, daeloù druz d'hon daoulagad,
Nemet pa wel skuilhañ daeloų, an den kęr a skuilh ar gwad.
C'hoazh ma ve roet kaout ur groaz, e pelec'h e taoulinfemp,
Evit goulenn digant Doue an nerzh pini a vank deomp !
Met ho kroaz santel, ma Doue, zo bet pilet e pep lec'h ;
Ha kroaz ar gwinterellerez a zo savet en he lec'h.
Bemdez 'weler ho peleien eveldoc'h war ar C'halvar,
Eveldoc'h o stouiñ o fenn o pardoniñ d'an douar.
Re o deus gallet tec'het kuit, ya da guzhet er c'hoajoù ;
Eno oferniont deus an noz; e bag, war vor, a-wechoù.
Darn o deus treuzet ar mor bras, divroet ha disouten,
Gwell gante sentiñ ouzh Doue, evit sentiñ ouzh an den ;
Gwell gante debriñ dianken, er broio pell, bara kerc'h,
Evit debriñ bara gwinizh, bara an diaoul, gant an nec'h.
En o ziez, an touerien a zebr danvez an dud paour,
Goude bezañ gwerzhet Doue, evel Judaz, evit aour.
Piv-bennak na fell ket dezhañ mont da glevet an touer,
Zo war var da goll e vuhez, bet denjentil pe gouer.
Tudjentil, ha tud a iliz, tud diwar maez, sonn ho fenn,
An holl Vretoned a waner balamour ma int kristen
Bremañ hallez, boued an ifern, reiñ da galon-te d'ar joa,
Pe 'teus laket hon elez-ni e-barzh an neñv da c'houelañ !
Pe 'teus laket lezenn an diaoul e-lec'h gwir lezenn Doue,
Pe 'teus lazhet ar veleien, an dudjentil, ar roue !
Pe 'teus lazhet ar rouanez, pe 'teus stlapet d'an douar
He fenn gant penn flour Elesbed, an itron santel, he c'hoar ;
Pe 'teus taolet er c'hav hudur mab ar roue, hen bugel,
Hag hen dalc'hez e-barzh ar fank da vreinañ ha da vervel.
Kuzh da benn, heol benniget, en ur welet torfejoù
Pere na dlefe bezañ graet nemet gant drouksperejoù !
Kenavo, Jezuz ha Mari, dispennet ho taolennoù,
Ha lakaet d'ober paveioù, gant ar re c'hlas, er c'hęrioù.
Kenavo, foñs ar vadiant, e lec'h e gavjomp gwechall
Nerzh evit gouzañv ar marv kent evit yev an dud-fall.
Kenavo, kleier benniget, a gane war hor pennoù,
N'ho klevimp mui en hor gervel, sul na gwel, d'an ilizoù.
N'ho klevimp mui o kanañ ge ; siwazh ! divadez ho penn !
Teuzet, siwazh ! gant ar gęriz evit ober gwenneien
Kenavo, Bretoned yaouank, e c'halver d'an armeoù,
E-lec'h ma goller en un taol ar feiz hah ar vuhe'ioù.
- Kenavo, ma mab, kenavo d'an draoniennoù Jozafat !
Pa vi maez deus a Vreizh-Izel, piv a zifenno da dad !
Pa lammo re kęr gant ma zi, me vo klevet o laret :
"Ma vize bet ma mab er gęr, en defe ma diwallet "
- Deus etre divrec'h da vamm gozh eus da zouget, ma bugel
Deus war galon 'deus da vaget, ma mabig paour, kent mervel !
Pa zistroi en-dro d'ar gęr, vin aet kuit deus ar bed-mañ ;
Deus amañ, deus m'az priatin, evit ar wech diwezhañ.
- Tevet, ma mamm, tevet, ma zad, ne in ket d'ho tilezel -
Chom a rin evit ho tifenn, evit difenn Breizh-Izel.
Reuzeudik bras eo bout gwanet ; bout gwanet n'eo ket mezhus
Nemet plegañ d'ar skraberien, evel tud lent ha kablus !
Mard eo ret monet d'an emgann, emgann a rin 'vit ar vro .
Mard eo ret mervel, e varvin ; kuit ha laouen war un dro.
M'eus ket aon rak ar boledoù ; na lazhint ket ma ene
Pa gouezho ma c'horf d'an douar, ma ene savo d'an neñv.
Araok! paotred vat Breizh-Izel! entanañ ra va chalon
Kreskiñ a ra nerzh va divrec'h ; bevet ar relijion !
Bevet an neb a gar e vro ! bevet mabig ar roue !
Ha ra yelo ar baotred c'hlas da c'hout hag-eņ zo Doue.
Buhez evit buhez ! tud vat; lazhañ pe bezañ lazhet !
Ret e oa da Zoue mervel evit gounit war ar bed.
Deus er penn ganeomp, Tinteniag, gwir Vreton a holl-viskoazh.
Te pini raok beg ar c'hanol, morse da benn na droas.
Deut er penn ganeomp, tudjentil, gwad real dimeus ar vro ;
Ha Doue a vezo meulet gant kement kristen ma zo.
Hag en diwezh e teuy en-dro e Breizh al lezenn gwirion
Koulz ha Doue war e aoter, hag ar roue war e dron !
Hag a-neuze traonioù Kernev e teuio glas adarre,
Hag ar galon a zigoro gant bleun an ed hag ar gwez.
Neuze, kroaz Jezuz, hor Salver, a savo splann war ar bed
E-c'harzh e zreid lilioù kaer druz gant gwad ar Vretoned.
|
||||
7. |
An Droug-Hirnez
04:12
|
|||
"Deuit-hu ganin-me, va mestrezig
Deuit-hu ganin-me war ar maez
Deuit-hu ganin-me war ar yeot glas
Me 'gonto deoc'h va santimant
Ha ma na deuit d'am c'hoñsoliñ
Me a varvo subitamant"
Hi a respont gant un aer fier
"Ganeoc'h war ar maez nan in ket
Rak ma teufe dimp be'añ gwelet
Teodoù an dud zo milliget
Hag a ve brudet dre ar c'hontre
Ha va enor a ve kollet"
An eorioų zo savet, setu ar flik-ha-flok ;
Kreņvaat ra an avel, mont a reomp kaer a-raok
Stegnañ reeur ar gwelioù, an douar a bella :
Va c'halon, siwazh din ! ne ra met huanadañ
Kenavo neb am c'har em parrez tro war-dro ;
Kenavo, dousig paour, Linaig, kenavo,
Ar c'himiad ma ran dit, ken evit da guitaat,
Marteze, siwazh din, da viken, evit mat.
'Vel un evnig lammet gant ur sparfell, er c'hoad,
Deus a gichen he far pa oant d'en em barat,
'M eus ket kalz a amzer da soñjal d'am glac'har,
Ker buan am lammer digant an neb am c'har.
Evel un oan a zen, pellaet deus e vamm,
N'ehanan da ouelañ, da deur'l klemmoų estlamm;
Ma daoulagad bepred troet trezek ar plas
E-lec'h out-te chomet, va mignonezig vras.
Pelloc'h va daoulagad na weljont nemet mor,
A gren a-zindanon, a lamm hag a zigor
Ha pa 'z an da soņjal 'maņ achuet gane
Ha me e gweled mor, em strinkañ ra d'an neñv.
Pa zeuis tre al lestr va estlamm a oa bras
Gwelet ur seurt kastell o vrallañ war mor glas
Pevar-ugent kanol, daou-ugent a bep tu,
O c'horf brizhiet en gwenn livet gant livaj du
An aod evel ur c'helc'h, en-dro, pell diouzhen,
O rannañ en daou du ar mor bras hag an neñv.
Ha begig ar gwernoù, uhelloc'h deus an dour
Ha n'eo deus ar vered beg an uhellañ tour.
Gwel't hoc'h eus war ar roz en-dro d'ar raden glas,
O deus koulmoù a-walc'h koulz a-hed hag e kroaz,
En-dro d'ur wern ez eus liesoc'h a funienn
Evit a neudenn zo en-dro d'ar radenenn.
Allas ! ar Vretoned zo leun a velkoni !
Meveliñ ra va fenn, ne hallan soñjal mui.
Va c'halon a zigor ; 'n aner ran ar son-maņ
Marteze, siwazh din, n'em c'hlefot he c'hanañ
|
||||
8. |
Ul Labous Gwenn
02:42
|
|||
Ul labous gwenn am eus gwelet (bis)
O kanañ flour en ur boked, dindondeno
O kanañ flour en ur boked, dindonde
Mard out dister, prim out ivez (bis)
Te oar an hent da vont dezhi, dindondeno
Te oar an hent da vont dezhi, dindonde
Al lizher gantañ en e veg (bis)
Eo nijet war-zu va mignon, dindondeno
Eo nijet war-zu va mignon, dindonde
Me am eus paket ul labousig gwenn
Ul labousig gwenn
A gren e vruched evel un delenn
O kanañ din-me e vravañ kanaouenn
Va lez da nijal, a lavare din
A lavare din
Ma 'gano kaeroc'h va sonioù lirzhin
Eus an noz bemdez hag ivez bep mintin
'Vit o digeriñ me 'm eus divaskell
Me 'm eus divaskell
Ret e ven lezet, en neñv, da sevel
Anez e varvin ha ne vezo ket pell
Kerzh en aer eta, va labousig gwenn
Va labousig gwenn
Nij atav seder, kan bepred laouen,
Me 'm bo keuz atav dit, va labousig gwenn
|
||||
9. |
Ar Baradoz
03:38
|
|||
Jezuz ! Pegen bras eo
Plijadur an eneoù,
Pa'z int dirak Doue,
Hag en e garantez
Berr gavan an amzer,
Hag ar poanioù dister,
O soñjal deiz ha noz,
E gloar ar baradoz.
Pa sellan en neņvoù,
Hag etrezek va bro,
Nijal di a garfen,
Evel ur goulmig wenn.
Pa vo pred ar marv,
Neu e me gimiado
Ouzh ar c'hig ankenius,
Enebour da Jezuz.
Gant joa e c'horto'an
An tremen diwezhañ ;
Hast am eus da welet
Jezuz, va gwir bried.
Kerkent ha ma vezo
Torret va chadennoù,
M'en em savo en aer
Evel un alc'houeder.
Tremen a rin al loar
Evit monet d'ar c'hloar
Dreist an heol, ar stered,
Me a vezo douget.
Pa vin pell diouzh an douar,
Traonienn leun a c'hlac'har,
Neuze me ray ur sell
Ouzh va bro Breizh-Izel.
Neuze me lavaro :
- Kenavo dit, va bro,
Kenavo, bed doanius,
Gant da vec'hioù poanius;
Kenavo, paourentez,
Kenavo, gwanerezh,
Kenavo, trubuilhoù,
Kenavo, pec'hejoù !
Pelloc'h ne soñjin ket
Ardoù an drouk-spered;
Biken me n'em gollo
Goude pred ar marv.
Evel ur vag gollet,
Va c'horf deus va c'haset
Amañ, dre an avel,
Ar glav har ar riell.
Marv, te an treizher
A zigor din ar gęr,
Pa vruzun gant an her
Va lestr ouzh he rec'hier.-
A bep tu pa sellin,
Kement tra a welin
A ray d'am daoulagad,
Ha d'am c'halon mil vad
|
||||
10. |
Glaù Hag Aùél E Hra
02:45
|
|||
Glaù hag aùél e hra, 'han de huél me mestréz,
'Han de huél me mestréz,
'Han de houlen geti, O!, mar faut dehi dimi
Pe oen oeit ar en gent, un tammig avanset,
Me huélas me mestréz, O!, ar en hent é tonet
"Boñjour d'oh, me mestréz, p'hou kavan ar 'r paùé;
Un hireh vras em boé, O!, de houiet hou toéré
Men doéré, den yaouank, a p'em bo d'oh laret;
E hrei poén d'hou kalon, O!, na tourmant d'ho spered
Me zad ne ket koutant em bo mab ur peizant ;
N'em es d'ober a hañni, mont e hran d'er kouvant
Mar det hui d'er houvant, de vout léañnéz kerhet,
Me iei-mé d'er studi, O!, d'er studi de Huéned
En dé 'vein beleget, hui zei de men guélet;
Pe deet barh en iliz, O!, én or dal antréet
Pe deet barh en iliz, kerhet dré en or dal;
Stardein hrei hou kalon, O!, doh me hleuet 'krial !
Pe oen oeit én iliz, antréet én or dal,
Stardein hré me halon, O!, doh er hleuet 'krial !
En treu-sé zisko d'oh nen dé ket permetet
A barrat é houlen, O!, doh dén iaouank erbet
En tadeu, er vammeu, zo kri ha dinatur,
'Lézant ket ou bugalé de vont d'ou flijadur
'Trézoh, tadeu, mammeu, e zesaù bugalé,
Ne viret ket dohté, O!, a vont d'ou volanté
|
||||
11. |
Son A Garantez
03:18
|
|||
Ur plac'hig a garan, vel zo hini er bed
Dreist an holl hi karan gant ur galon barfet
Na n'onn ket ouzh petra dont d'he c'homparajiñ
Pe ouzh ur rozenn ruz pe ouzh ur Romani
Pe ouzh ur rozenn ruz, rouanez ar bokejoù,
Deus a beure laouen ha deus an noz marv
Pe ouzh ur mezellour karget a sklerijenn
O Doue galloudek, o bravañ femelenn
C'hoarvez ganin ma mestrez o tont d'ho tarempred
E-giz un evn roeal 'n ur bod drez o kousket
Pa zihun greiz e hun 'big an drein ane'hañ
E sav da veg ar bod 'n em laka da ganañ
Me 'm eus stignet va fech hag ivez me lasoù
Da dap un houadez oa e gouer er Ponto
Distignet eo ma fech hag aet ma las da fall
Tapet an houadez hag aet eo gant un all
Bremañ hallin gouelañ, gouelañ ha glac'hariñ
Gant keun d'am mestrez koant, pebezh melankoni
C'hoarvez bremañ ganin, 'vel gant un durzhunell
Pa vez kollet he far ez on lez da vervel
C'hoarvez ganin bremañ 'vel gant un ene mat
En tan er purgator, o c'hortoz e vennad
Me m'eus choazet 'vit mestrez ar vravañ femelenn
A gement a zo bremañ war an douar o ren
Dre he feson grasius hag he selloù mignon
Hounnezh a zo deut a-benn da c'hounid va c'halon
Va mestrez zo 'r plac'h yaouank hag he deus blev melen
He daoulagad a lugern evel div steredenn
He divjod ruz, he zal wenn, en ur ger, he c'hened
N'he deus bet biskoazh he far met hini an Aeled
Me ho salud plac'h yaouank, leun oc'h eus a furnez
Deut on amañ d'ho kwelet hag e teuin alies
Pa 'z eo gwir ez oc'h plac'h fur hag ur plac'h a feson
N'eus hini 'bet eveldoc'h leket don em c'halon
Me a dou deoc'h plac'h yaouank demeus a wir galon
Am bo bepred evidoc'h ur garantez wirion
Dre n'en deus ket bet biskoazh dirak va daoulagad
Ur plac'h yaouank a zo bet kement ha c'hwi d'am grad
Ma teufen da blijout deoc'h evel a blijet din
Ni a rafe ur chadenn n'hallje den he zerriñ
Kreñvoc'h evit an houarn, kreñvoc'h evit an dir
Kaletoc'h 'vit diamant p'hini a dorr ar gweir
|
||||
12. |
An Dizertour
04:54
|
|||
Na pa oan-me bihanik, bihan e ti ma zad
Na pa oan-me bihanik, bihan e ti ma zad
Me oa ur bugelig koant
Hag ivez savet mat
Me oa ur bugelig koant
Hag ivez savet mat
Mes pa oan arru en oad, arru un tamm kapabl
Me a lakaas em spered da vonet da soudard
Me 'gimiadas diouzh ma zud 'vit mont d'ar rujumant
Sinet em boa ar marc'had ha touchet an arc'hant
Keit ma padas an arc'hant, me oa soudard vailhant
Mes ur mech oa lipet tout oa kalz a cheñchamant
O welet ma c'habiten kousket war ar pluñv fin
Ha me, paour-kaezh Yann-soudard, 'gousk wan an douar yen
O welet ma c'habiten oc'h evañ ar gwin sklaer
Ha me, paour-kaezh Yann-soudard, 'ev dour diouzh ar rinier
O welet ma c'habiten o tebriñ bara gwenn
Ha me, paour-kaezh Yann-soudard, 'rank debriñ bara brenn
Me a skrivas ul lizher d'am mammig ha d'am zad
'Vit goulenn ma ramplasiñ ha donet d'am gerc'hat
Ma zad respontas din-me war gornig ma lizher :
"Pa 'z out bet 'n em angagiñ, te raio da amzer"
O welet oa kement-se 'tispakis ma sabrenn
Ar c'hentañ taol am boa skoet lazhas ma c'habiten
Ha setu me kondaonet na da resev ar c'hwec'h tenn
Tri am bo 'barzh ma c'halon ha tri all 'barzh ma fenn
Gant ur mouchouer kotoñs mouchit ma daoulagad
Ha lakait d'am zennañ ma brasañ kamarad
Soudarded a Vreizh-Izel, o c'hwi soudarded ma bro
Pa vefet distro er gêr, lârit ket vin marv
C'hwi a lavaro d'am zud 'vin-me aet da Rusi
Eus lec'h birviken-james d'ar gêr ne zistroin
|
||||
13. |
Ar C'hakous
03:03
|
|||
Krouer an neñv hag an douar !
Mantret va c'halon gant glac'har.
O kounañ en noz hag en deiz
D'am dousig koant, d'am c'harantez
Me zo war va gwele chomet,
Dalc'het, siwazh ! gant ar c'hleñved ;
Ma ve va dousig a deufe,
E berr-amzer am frealzfe.
Evel gant ar Werelaouen,
Goude un nozvezh a anken
Mar deufe ma dous d'am gwelet,
E ven ganti dizoaniet.
Ma lakafe beg he genou
War bordig skudell va louzoù,
Da evañ goude pa yefen
Gwellaet raktal e vijen.
Ar galon az poa din roet,
Va muiañ-karet, da viret,
N'em eus kollet na distroet,
Na lakaet da uz fall ebet
Ar galon az poa din roet,
O va dousig koant, da viret,
Em eus mesket gant va hini
Pini da hini? va hini?
Piv a gomz ouzhin evel-se.
Ha me ken du hag ur vran ve?
Pa vec'h ken du hag ar mouar,
Gwenn-kann oc'h d'an hini ho kar !
Den yaouank, ur gaou a leret
Va c'halon deoch' n'em eus roet ;
N'em eus ker mui ac'hanoc'h,
Ur c'hakous a ouzon-me oc'h !
'Vel un aval e beg ar we'enn
Emañ kalon ar feumelenn ;
Kaer ve an aval da welet,
Hag ur preñv e-kreiz zo ku'et.
Evel un delienn war ar brank,
Emañ gened ar plac'h yaouank
An delienn gouezh war an douar,
Ar c'hened ivez a ziskar.
'Vel ar bleun glas diouzh lez ar stank
'Mañ karantez ar plac'h yaouank,
Ar bleunig a dro wechigoù,
Ar bleunig a dro, a zistro
Ar bleunig a dro wechigoù,
Karantez ar plac'h tro atav
Ar bleun a yelo gant an dour
Ha gant an ankoun an traitour.
Me a zo ur c'hloaregig paour,
Me a zo mab da Yann Kaour
Bez on bet tri bloaz o studiñ,
Hogen bremañ na in ket mui.
'Benn ur pennad me yey en-dro,
Me yey en-dro kuit deus ar vro ;
'Benn un pennadig vin marv,
Ha d'ar purkator me yelo.
Krouer an neñv hag an douar !
Mantret va c'halon gant glac'har.
O kounañ en noz hag en deiz
D'am dousig koant, d'am c'harantez
Me zo war va gwele chomet,
Dalc'het, siwazh ! gant ar c'hleñved ;
Ma ve va dousig a deufe,
E berr-amzer am frealzfe.
Evel gant ar Werelaouen,
Goude un nozvezh a anken
Mar deufe ma dous d'am gwelet,
E ven ganti dizoaniet.
Ma lakafe beg he genou
War bordig skudell va louzoù,
Da evañ goude pa yefen
Gwellaet raktal e vijen.
Ar galon az poa din roet,
Va muiañ-karet, da viret,
N'em eus kollet na distroet,
Na lakaet da uz fall ebet
Ar galon az poa din roet,
O va dousig koant, da viret,
Em eus mesket gant va hini
Pini da hini? va hini?
Piv a gomz ouzhin evel-se.
Ha me ken du hag ur vran ve?
Pa vec'h ken du hag ar mouar,
Gwenn-kann oc'h d'an hini ho kar !
Den yaouank, ur gaou a leret
Va c'halon deoch' n'em eus roet ;
N'em eus ker mui ac'hanoc'h,
Ur c'hakous a ouzon-me oc'h !
'Vel un aval e beg ar we'enn
Emañ kalon ar feumelenn ;
Kaer ve an aval da welet,
Hag ur preñv e-kreiz zo ku'et.
Evel un delienn war ar brank,
Emañ gened ar plac'h yaouank
An delienn gouezh war an douar,
Ar c'hened ivez a ziskar.
'Vel ar bleun glas diouzh lez ar stank
'Mañ karantez ar plac'h yaouank,
Ar bleunig a dro wechigoù,
Ar bleunig a dro, a zistro
Ar bleunig a dro wechigoù,
Karantez ar plac'h tro atav
Ar bleun a yelo gant an dour
Ha gant an ankoun an traitour.
Me a zo ur c'hloaregig paour,
Me a zo mab da Yann Kaour
Bez on bet tri bloaz o studiñ,
Hogen bremañ na in ket mui.
'Benn ur pennad me yey en-dro,
Me yey en-dro kuit deus ar vro ;
'Benn un pennadig vin marv,
Ha d'ar purkator me yelo.
|
||||
14. |
Silvestrik
06:27
|
|||
Barzh e parrez Sant Servais
War vordig Mene Bre
'Z'eus ur c'habiten yaouank o sevel un arme
Me 'm'eus ur mab, Silvestrig, zo o vonet ivez
"Roit din va mab Silvestrig, n'am eus mab nemetañ
Me 'bako deoc'h, kabiten, an arc'hant deut gantañ
Ne dalv ket ; graet ar marc'had, diwezhat eo bremañ ;
N'eus soudard all en arme a blij din eveltañ
Na te, labousig bihan, war-bouez da zivaskell
A nije dreist ar broioù da gaout va mabig pell ?
A c'houlennfe digantañ keleier ar brezel
Mard eo yac'h hag e buhez, dont da di e gavell..."
Pa oa an tad glac'haret oc'h ober e gañvoù
E oa e vab Silvestrig 'toull an nor o selaou
O tizreiñ eus an arme emaon war ho treuzoù
Na ouelit ket, o va zad, ha sec'hit ho taeloù !"
Etre chapel Sant-Efflam ha tossenn Menez-Bre,
'Zo ur c'habitenn iaouank o sevel un arme;
'Zo ur c'habitenn iaouank o sevel un arme,
Me 'm euz ur mab Silvestrik a lavar mont iwe .
Me 'm euz ur mab Silvestrik ha n'am euz nemet-han,
N'euz soudard bars ar vandenn a gareur evel-t-han.
Me am bo ar vadèles da vonet d'hen goulenn
Gant kalz a dud-a-feson digant hi gabitenn.
Ar c'habitenn, p'hen klewas, da zelaou 'zo chomet :
Gant-oc'h, denik ansienn, me a zo saouezet !
Fellout d'ac'h trompla 'r roue, ha kaout he zoudarded?
Touchet hen euz ann arc'hant, d'ann arme renk monet;
Pa rofac'h d'in pemp kant skoed, n'ho po ket ann-ez-han,
Na euz soudard er vandenn a blij d'in evel-t-han.
Adieu eta, Silvestrik, er giz ur mab prodig!
Ma vijac'h chommet er ger, ni 'vije pinvidik !
Me 'm euz un evnik bihan en kichenn toul ma dor,
En un toullik ar voger, me gred eman en gor.
Na te, ma evnik bihan, te az euz diou-askel,
A nijfe dreist ar mor braz, oh! ia, dreist ar mor pell;
A nijfe ewit-on-me bete penn ann arme,
Da c'houzout hag ema Silvestrik en buhe?.....
Demad d'ac'h-c'hui, Silvestrik, demad d'ac'h a larann.
Ha did, iwe evn bihan, pa 'z out deut bet' aman.
Me zo digasset ama gant ho tad dezolet,
Hag a lavar, Silvestrik, ez eo c'hui ' zo kiriek.
Diskennet, evnik bihan, diskennet war ho taou-droad,
Ma skrivinn d'ac'h ul lizer da gass d'ar ger d'am zad;
Ma skrivinn d'ac'h ul lizer da gass d'ar ger d'ez-han,
Bars daou-vloas a hirio e vinn arru gant-han.....
Pa oann-me bars ma gwele, ma gwele kousket mad,
Me 'glewe merc'hed Roudour o kana zon ma mab.....
Pa oa ann tad dezolet ho ober he ganvou,
A oa he vab Silvestrik 'n toul ann or o selaou.
Na sesset, tad dezolet, sesset-c'hui da oela,
Sellet ho mab Silvestrik a zo arru ama !
|
||||
15. |
Eskob Penanstang
04:46
|
|||
Alietig, ma merc'hig koant,
Ret 'vo monet da Benanstank ;
Ret 'vo monet da Benanstank,
Pe goll ar gwir er gomanant.
Ma vije bev nep am ganas,
Evel ma 'z eo nep am magas,
N' vijen ket aet da Benanstank,
Pa golljeac'h 'r gwir ar gomanant.
Met allas ! paour kaezh, pa n'eo ket,
Sentiñ ouzh lez-vamm a zo ret;
Sentiñ ouzh lez-vamm a zo ret,
Da Benanstank 'vo ret monet.
Gwell eo ganin, 'vit ma enor,
'M lakafec'h endan treuz ho tor!
Komerit un trañch hag ur bal,
Ha lakaet en bev en douar!
'N aotrou Penanstank a lare,
D'e baotr ar gambr, un deiz a oe :
Me well Alietig ar Vad
O tonet a dreuz dre ar c'hoad.
Un daoulagad 'zo en he fenn
A luc'h 'vel div werelaouen,
He zal ivez hag he divjod
Ker gwenn hag al laez er ribod.
En Penanstank p'eo arruet,
War an treuzou eo aze'et;
War an treuzou eo aze'et,
Ha gwalc'h he c'halon 'deus gouelet.
Alietig, laret 'zo deec'h
Gant an aotrou pignet ouzh krec'h,
Da derc'hel d'ezhañ ar goulou,
Vit ma kano he c'housperou.
Mard oc'h mesajer evitañ,
It d'an nec'h, ha laret dezhañ :
'Zo kantoloriou aour hag arc'hant,
Da derc'hel goulou peziou koant.
Alietig, laret 'zo deoc'h,
Gant an aotrou, donet ouzh krec'h ;
Gant an aotrou monet d'e gambr,
Ma royo deoc'h aour hag arc'hant.
Mard oc'h mesajer indanañ,
It d'an nec'h, ha laret dezhañ
Miret e aour hag e arc'hant,
En paourentez me ' zo kountant ;
Mard oc'h mesajer indan-hañ,
It d'an nec'h, ha laret dezhañ
Miret e arc'hant hag e aour,
Me 'zo ma dere bezañ paour.
Alietig, laret 'zo deoc'h,
Gant an aotrou, donet ouzh krec'h ;
Gant an aotrou monet d'e gambr,
Ma royo deoc'h gwalinier koant.
Mard oc'h mesajer indan-hañ,
It d'an nec'h ha laret dezhañ,
Eus dewezhourez n' zere ket
Gwalinier aour d'ho bizied.
Alietig, laret 'zo deoc'h,
Gant an aotrou, pignet d'an nec'h,
Vit monet gantañ d'ar selier
Da dañva gwin dous 'vel ar mel.
Mard oc'h mesajer indan-hañ,
It d'an nec'h, ha laret dezhañ
P'am bo sec'het, me evo dour,
A bedo Doue d'am zikour.
Alietig, laret 'zo deoc'h
Gant an aotrou monet d'an nec'h,
Monet gantañ d'ar c'hrignelliou,
D' divreinañ per hag avalou.
Mard oc'h mesajer indan-hañ,
It d'an nec'h, ha laret dezhañ
Reiñ 'r re-vat d'ar paour, o zebro,
'R re-fall d'ar moc'h, o zivreino.
Alietig, laret 'zo deoc'h,
Gant an aotrou, monet d'an nec'h ;
Gant an aotrou monet d'an nec'h,
Vit ober dezhañ he wele.
Mard oc'h mesajer indan-hañ,
It d'an nec'h, ha laret dezhañ
Donet d'an traoñ, me yel' d'an nec'h,
Hag a ray dezhañ he wele;
Ha mar astenn re e bazioù,
Da zont war ma lerc'h 'r skalieroù
Da zont war ma lerc'h 'r skalieroù,
M'hen taolo d' n traon war e c'henoù !
Eus ' seitek plac'h 'zo bet em zi,
N'eus aet hini eveldoc'h-c'hwi ;
Met c'hwi, Alietig ar Vad,
'Zo bet kelennet gant ho tad.
Biskoazh na eus bet plac'h yaouank
Na debauchjen, p'am bije c'hoant,
Nemedoc'h, Aliet ar Vad,
Zo bet kelennet gant ho tad.
Gant ma zad n'on ket kelennet,
Met gant ar sent, ar sentezed ;
Met gant ar sent, ar sentezed,
A zo 'vidon alvokaded.
Lakait ma arc'hant war an daol,
Ma 'z in ee-maez gant ma enor;
Gant ma enor ha ma respet,
Triwec'h vloaz 'zo hini n'eus aet.
Alietig, me ho kwelo
Un deiz barzh en kêr, pe war-dro,
Ho kof ganeoc'h bet' ho lagad,
Brasez eus ur c'hokin bennak.
Gwell ve ganin bezañ brasez
Eus ur paotr moc'h, ma c'harantez,
Bezañ brasez eus ur paotr moc'h,
Aotrou, vit bezañ ac'hanoc'h.
N' vo ket ken disenor d'am zad,
Evel bezañ eus un den sakr;
Evel bezan eus ur beleg
N'en eus na enor na respet !
|
||||
16. |
Da-Unan
03:09
|
|||
Gouel holl daeroù da zaoulagad
Gouel gant ar geuz d'an amzer all!
Dont 'ra d'az spered, dre vagad
Soñjezonoù eus a wechall
Na mignoniach, na karantez!
Kollet int er stourm 'vit ar vuhez!
Gouel ha huanad ur c'hlemmgan
Rak bremañ emaout da-unan
Rak bremañ emaout da-unan
Da dud paour, erru 'n o c'hozhni
N'o deus ken ac'hanout ganto
Pell outo, 'barzh ar velkoni,
E renez devezioù c'hwerv !
Hag an noz, en da wele kalet,
'Trezek da vamm e ya da spered
Ar vamm da zougas ken bihan !
Mes bremañ emaout da-unan
Mes bremañ emaout da-unan
Da-unan ! Ger yen ha digar
A skorn pep elfenn er galon !
Ger a zisesper, a c'hlac'har,
A zienez hag a spouron !
Hep ur mignon aze, 'n az kichen
Kaset int bet pell gant ar wagenn
Hep ur par en tu all d'az tan
En da gambr yen out da-unan
En da gambr yen out da-unan
Marteze 'teuy deizioù kaeroc'h
Un heol dousoc'h un eur a vo
Ur pennad karantez wiroc'h
E-tal da dud, e-barzh da vro !
Mes da c'hortoz, kan war da delenn
Gwerzioù silet dre greiz an anken
Hirvoud war da stad ur c'hlemmgan !
Hen kana a ri da-unan
Hen kana a ri da-unan
Enor ha gloar da Vab Doue !
Ne fell deomp kaout Mestr na Roue
Nemet Jezuz 'pad hor buhez
Galloud an den a zo bihan:
Teuziñ a ra, teuziñ buan,
Evel ar c'hoar dirak an tan
Galloud Jezuz a chom atav,
Kreñvoc'h eget ar gwez derv,
Trec'h d'an avel a stourm outo
Jezuz a dle bezañ Roue,
Peogwir ez eo Den ha Doue,
Mestr e pep lec'h, e pep mare.
Trec'het en deus e lein ar groaz,
War an aoter trec'hiñ 'ra c'hoazh
Roue ken mat n'eus bet biskoazh
Diskenn a ray, da fin ar bed,
Leun a c'halloud ha leun a sked,
Da varn an holl 'giz ma vo ret
Karomp ervat Jezuz-Doue,
Karomp ervat Jezuz-Roue,
Ha ni 'reno gantañ ivez !
Enor ha gloar da Vab Doue !
Ne fell deomp kaout Mestr na Roue
Nemet Jezuz 'pad hor buhez
Galloud an den a zo bihan:
Teuziñ a ra, teuziñ buan,
Evel ar c'hoar dirak an tan
Galloud Jezuz a chom atav,
Kreñvoc'h eget ar gwez derv,
Trec'h d'an avel a stourm outo
Jezuz a dle bezañ Roue,
Peogwir ez eo Den ha Doue,
Mestr e pep lec'h, e pep mare.
Trec'het en deus e lein ar groaz,
War an aoter trec'hiñ 'ra c'hoazh
Roue ken mat n'eus bet biskoazh
Diskenn a ray, da fin ar bed,
Leun a c'halloud ha leun a sked,
Da varn an holl 'giz ma vo ret
Karomp ervat Jezuz-Doue,
Karomp ervat Jezuz-Roue,
Ha ni 'reno gantañ ivez !
|
||||
17. |
Kenavo
02:51
|
|||
Kanet hon eus a galon vat
En enor d'ar vro, da Zoue
Mall eo skoulmañ kent 'n'em guitaat
Gant ur sonenn hor c'harantez
Kenavo deoc'h, gwir Vretoned,
Bleuniañ a ra al levenez
E pep kalon, ouzh he klevet,
Enor deoc'h-c'hwi, ha trugarez
Sonet hon eus, breudeur karet
E'it hadiñ joa, sec'hiñ an daer
Ha deskiñ d'an dasson lâret
Ez eus Bretoned àr an douar
Ez eus àr an douar ur vro gaer
Tud vat ha kalonek enni
Hag he deus taolet he splannder
Àr hent an enor hep fazi
D'ar Vretoned, gloar hag enor da virviken
|
Kelenn Nikolas Landudec, France
Kelenn Nikolas, le chanteur, est le fils de Kristen Nikolas, fondateur du groupe Kern. La musique de Kelenn n’a certainement rien à envier à des artistes français ou d’autres pays, l’artiste garde sa patte propre méritant sa place sur la scène bretonne et sur les ondes, et permettant à des personnes loin de la culture bretonne de découvrir autrement notre langue. ... more
Streaming and Download help
If you like Kelenn Nikolas, you may also like:
Bandcamp Daily your guide to the world of Bandcamp